បង្កប់ Google Web Fonts នៅក្នុងប្លុក ដែលម្ចាស់ប្លុកទាំងឡាយគួរតែដឹង ~ កម្ពុជា-អាយធី

ដោយសារមើលឃើញពីតម្រូវការរបស់បងប្អូនខ្មែរ ដែលជាម្ចាស់ប្លុកទាំងឡាយមានចម្ងល់ទៅលើការប្រើប្រាស់ពុម្ព អក្សរខ្មែរជាម៉ូតផ្សេងៗ តែមិនទាន់ចេះដាក់។ ជាដំបូងខ្ញុំសូមណែនាំលោកអ្នកឲ្យស្គាល់សិនថា តើយើងដាក់ Google Web Fonts នេះក្នុងគោលបំណងអ្វី? ការដាក់ Google Web Fonts នេះគឺយើងចង់ឲ្យប្លុករបស់យើងបង្ហាញជាម៉ូតអក្សរផ្សេងៗដែលមាននៅ ក្នុង Google Web Fonts ដែលយើងអាចដាក់បានតាមតម្រូវការ។ ជាពិសេសការដាក់ Google Web Fonts អាចធ្វើឲ្យអ្នកទស្សនាមានការចាប់អារម្មណ៍ គឺស្អាត ហើយទោះបីជាកុំព្យូទ័ររបស់គេគ្មានពុម្ពអក្សរប្រភេទនោះក៏ដោយ ក៏គេអាចមើលម៉ូតអក្សរនោះបានដែរ។

លោកអ្នកមិនត្រឹមតែអាចដាក់បានតែមួយប្រភេទក្នុងប្លុកមួយនោះទេ គឺអាចដាក់បានគ្រប់ទាំងអស់ តែសូមស្វែងយល់បន្ថែមដោយខ្លួនឯងបន្តទៀត។ អ្វីដែលសំខាន់ជាងនេះទៅទៀតលោកអ្នកត្រូវដឹងថា នៅលើទូរស័ព្ទដៃទោះជាគ្មានពុម្ពនោះ ឬគ្មានយូនីកូដ ក៏អាចមើលម៉ូតពុម្ពអក្សរដែលលោកអ្នកបង្កប់ដែរ (ខ្ញុំនិយាយបែបភាគច្រើន តែប្រហែលមិនទាំងអស់ទេ)។ ឥឡូវនេះខ្ញុំសូមបង្ហាញជូនជាឧទាហរណ៍ជាក់ស្ដែងតែម្តង ព្រោះថាបើនិយាយសើរៗ ច្បាស់ជាមិនយល់ទេ។ ដូចនេះសូមលោកអ្នកអនុវត្តជាក់ស្តែងជាមួយខ្ញុំតែម្តងទៅ ៖

៙ ជំហានទី១ (ការយកកូដចេញពី Google Web Font) ៖
- ចំណុចផ្តើម សូមចូលទៅកាន់គេហទំព័រ Google Web Fonts ។
- ជ្រើសរើសភាសានៅត្រង់ Latin >> Khmer (មើលរូបភាព)

- ឥឡូវនេះខ្ញុំសូមជ្រើសរើសយកពុម្ពអក្សរមួយដែលមានឈ្មោះថា Preahvihear ទៅដាក់ក្នុងមីនុយ។
- យើងត្រូវចុចពាក្យថា "Add to Collection" (មើលរូប)

- បន្ទាប់មកសូមចុចពាក្យ "Use"

- រមូរចុះក្រោមដើម្បីយកកូដនៅត្រង់ "3. Add this code to your website:"
- ចម្លងកូដនៅក្នុងប្រអប់នោះទាំងអស់ (សូមមើល)

៙ ដល់ពេលត្រូវបិទភ្ជាប់ក្នុងប្លុករបស់អ្នកវិញម្តងហើយ ៖

- Login ចូលគណនី Blogger >> Template >> Edit Template
- ស្វែងរកកូដដែលមានឈ្មោះថា <head> ហើយបិទភ្ជាប់កូដដែលអ្នកបានចម្លងពី Google Web Fonts អំបាញ់មិញនេះនៅពីខាងក្រោមកូដ <head> (មើលរូបដើម្បីងាយយល់)

*** នៅពេលបិទភ្ជាប់កូដនៅខាងក្រោម <head> សូមកុំភ្លេចសរសេរសញ្ញា / នេះថែម នៅជិតចុងក្រោយ ៖

>> សូមមើល :
៙ កូដទាំងស្រុង ៖

៙ កូដដែលសរសេរថែម ៖

- ចូលទៅកាន់ Google Web fonts វិញ។ សូមរមូរចុះក្រោមទៀត នោះលោកអ្នកនឹងឃើញនៅត្រង់ "4. Integrate the fonts into your CSS:" - សូមចម្លងកូដនោះទៀត ដើម្បីយកទៅដាក់ក្នុង Template ប្លុកយើងទៀត។

- នៅក្នុង Template ដដែលនោះសូមរកមើលស្លាក <b:skin>...</b:skin> ដោយចុចលើសញ្ញាព្រួញពណ៌ខ្មៅដែលនៅពីមុខវា ដើម្បីពន្លា

- សូមរកកូដ ៖ (កូដនេះ សម្រាប់ប្តូរម៉ូតអក្សរនៅលើ មីនុយ)
/* Tabs
----------------------------------------------- */
- សូមមើលកូដទាំងឡាយដែលឋិតនៅក្រោមកូដ ៖
/* Tabs
----------------------------------------------- */

- បិទភ្ជាប់កូដដែលបានចម្លងមិញនេះ នៅបន្តពីកូដដើមរបស់គេ (មើលរូបបានយល់)

- ធ្វើរួចរាល់សូម Save Template របស់អ្នក ហើយ View វាមើលនោះនឹងឃើញលទ្ធផល :)

កម្ពុជា-អាយធី

Saturday, June 20, 2015

បង្កប់ Google Web Fonts នៅក្នុងប្លុក ដែលម្ចាស់ប្លុកទាំងឡាយគួរតែដឹង

0 ចំនួនមតិ:

Labels