ការសរសេរប្លុកគឺជាសកម្មភាពមួយដែលខ្ញុំចូលចិត្តជាងសកម្មភាពណាៗទំាងអស់ ព្រោះការសរសេរប្លុក
មិនត្រឹមតែផ្តល់អត្ថប្រយោជន៏ដល់យើងនោះទេ គឺជួយដល់អ្នកដែលនៅជុំវិញខ្លួនយើងផងដែរ។កាលពីមុនខ្ញុំគ្រាន់តែជាអ្នករៀនតាមប្លុក តែពេលនេះ ខ្ញុំអាចចេះប្លុកករច្រើនដែលអាចបង្ហាត់បង្ហាញបន្តដល់អ្នកដទៃបាន។ ខ្ញុំមានគោលគំនិត៥ជំហាន មុននឹងចាប់ផ្តើមសរសេរប្លុក។ មិនថាខ្ញុំ ឬអ្នកដទៃទេ មុននឹងចាប់ផ្តើមជាមួយនឹងការសរសេរប្លុកភាគច្រើនគឺគិតដល់ចំណុចទាំង៥ជំហាននេះ។ ការចាប់ផ្តើមតាមដំណាក់កាលធ្វើឲ្យយើងសម្រេចបាននូវភាពជោគជ័យមួយមិនវិលវល់។ ក្នុងការសរសេរប្លុក មិនចាំបាច់ទាល់តែអ្នកដែលចេះកូដខ្លាំងនោះទេ អ្នកគ្រាន់តែចេះប្រើកម្មវិធីការិយាល័យទៅក៏អាចធ្វើវាបានដែរ។ ហើយខ្ញុំក៏សង្ឃឹមផងដែរថាអ្វីដែលខ្ញុំចែករំលែកតាមរយៈប្លុកមួយនេះ នឹងអាចជួយលោកអ្នកឲ្យមានចំណេះដឹងលើសពីនេះទៀត ក៏ដូចជាកន្លែងសម្រាប់ផ្ទុកឃ្លាំងឯកសារខ្នាតតូចផងដែរ។ ជំហាន៥យ៉ាងមុននឹងចាប់ផ្តើមសរសេរប្លុក ដែលខ្ញុំចង់បង្ហាញជូនលោកអ្នកដែលចង់សរសេរប្លុកឲ្យបានដឹងនោះមានដូចខាងក្រោម ៖
1. ជំហានទីមួយ ៖ "ការកំណត់គោលដៅ" : មុននឹងសរសេរប្លុក យើងតែតែមានគោលដៅរួចហើយ ថាតើយើងនឹងសរសេរអំពីអ្វី? សរសេរដើម្បីអ្វី? ការសរសេរប្លុកមានច្រើនបែបណាស់។ អ្នកអាចសរសេរអំពី កំណត់ហេតុ, សរសេរកែអផ្សុក, សរសេរអំពីចំណេះដឹងផ្នែកពត៌មានវិទ្យា ឬមួយផ្សព្វផ្សាយផលិតផលផ្សេងៗ។ ហើយដើម្បីអ្វីនោះ ក៏លោកអ្នកត្រូវមានគោលដៅដែរ។ អ្នកអាចសរសេរដើម្បី រកលុយ ឬគ្រាន់តែសរសេរដើម្បីចំណេះដឹង។ ចំពោះខ្ញុំ ខ្ញុំប្រហែលសរសេរដើម្បីចែករំលែកចំណេះដឹងច្រើនជាងការរកលុយ។
2. ជំហានទី២ ៖ "ការជ្រើសរើសឈ្មោះ (Domain Name)" : ក្រោយពីបានកំណត់គោលដៅ ថាយើងនឹងសរសេរអំពីអ្វីហើយ អ្នកគួរតែជ្រើសរើសឈ្មោះ
(URL) ប្លុករបស់អ្នក ឲ្យសមស្របតាមអ្វីដែលអ្នកចង់សរសេរ បង្ហាញនៅក្នុងប្លុក។
អ្នកគួរជ្រើសរើសឈ្មោះ ងាយចាំ ឬខ្លីកាន់តែប្រសើរ សម្រាប់អ្នកទស្សនា។
3. ជំហានទី៣ ៖ "ជ្រើសរើសទ្រង់ទ្រាយ" : ការជ្រើសរើសទ្រង់ទ្រាយ
ស្បែកប្លុកនេះ ក៏សំខាន់ណាស់ដែរ។ លោកអ្នកត្រូវជ្រើសរើស ស្បែក (Template)
ប្លុកឲ្យសម ទៅនឹងអ្វីដែលអ្នកសរសេរ
អ្នកមិនត្រូវបន្ថែមផ្នែកដែលនាំឲ្យអ្នកទស្សនា ពិបាកនៅពេលមើលនោះទេ។
ចំពោះខ្ញុំ គឺខ្ញុំចូលចិត្តទ្រង់ទ្រាយប្លុកសាមញ្ញ ធម្មតាៗ ងាយមើល។
៤. ជំហានទី៤ ៖ "ត្រូវមានរូបអមមកជាមួយអត្ថបទ" : អ្នកសរសេរត្រូវខំរករូបភាពណាដែលទាក់ទងនឹងប្រធានបទ បើទោះមិនដឹងថាត្រូវដាក់រូបអីក៏បានរូបស្អាតជួយយោងដែរ ជៀសវាងការដាក់រូបចោលឆ្កុយ លោកអ្នកមិនត្រូវដាក់តែរូបសុទ្ធទេ យ៉ាងហោចណាស់ក៏ត្រូវមានចំណងជើងរបស់រូបភាពដែរ បើអ្នកមិនមានអត្ថបទអីត្រូវសរសេរនោះ។ ព្រោះអ្នកមើលខ្លះគាត់ពិតជាមិនដឹងថាយើងចង់និយាយអី្វមួយមែន។
៥. ជំហានទី៥ ៖ "សរសេរតាមវេយ្យាករណ៏ និងត្រួតពិនិត្យអក្ខរាវិរុទ្ធ" : បើនិយាយពីការសរសេរ មិនដឹងថាវេយ្យាករណ៏នៅត្រង់ណានោះទេ ហើយខ្ញុំក៏មិនដឹងដែរ បានត្រឹមសរសេររៀបរាប់តាមព្រឹត្តការណ៏តែប៉ុណ្ណោះ សំខាន់ឲ្យតែមានអ្នកងាយស្រួលយល់។ មានគេហទំព័រ និងប្លុកខែ្មរជាច្រើនសរសេរឲ្យតែរួចពីដៃ មិនដឹងថាខ្លួនឯងសរសេរខុសច្រើននោះទេ ជាទូទៅការសរសេរតែងតែមានកំហុសពាក្យ តែមិនត្រូវឧស្សាហ៏សរសេរខុសពេកនោះទេ។
* អត្ថបទនេះ ត្រូវបានសរសេរដោយគំនិតខ្ញុំ និងមួយចំនួនទៀតបកប្រែពីប្លុកបរទេស។
រាល់កំហុសឆ្គងទាំងឡាយសូមអធ្យាស្រ័យផង។ សូមអរគុណ
ចំពោះការចំណាយពេលអានប្លុករបស់ខ្ញុំ។
0 ចំនួនមតិ: